Staðan fyrir lokahringinn á Heimslistamótinu á Oddi
Fyrr í sumar settu Golfklúbbur Kópavogs og Garðabæjar, Golfklúbbinn Oddur og Golfklúbbur Reykjavíkur á laggirnir svokölluð heimslistamót fyrir afrekskylfinga.
Eitt mót fór fram í vor hjá GKG og er annað mót sumarsins í gangi hjá GO þessa helgina.
Mótin munu öll gefa stig á heimslista áhugamanna og er það stór tilgangur mótanna að leyfa afrekskylfingum að vinna sér inn fleiri stig á heimslistanum ásamt því að gefa þeim tækifæri á að keppa meira.
Eftir tvo hringi á Heimslistamóti helgarinnar eru þeir Ragnar Már Garðarsson og Aron Snær Júlíusson, báðir úr GKG, jafnir í forystu í karlaflokki. Aron leiddi eftir fyrsta hringinn þegar hann kom inn á þremur höggum undir pari en hann lék annan hringinn á þremur höggum yfir pari á meðan Ragnar hefur leikið báða hringina á 71 höggi.
Höggi á eftir þeim er svo Böðvar Bragi Pálsson á einu höggi yfir pari.
Aron á besta hring mótsins til þessa.
Í kvennaflokki er einungis einn keppandi en það er hún Bjarney Ósk Harðardóttir GR. Hún er samtals á 33 höggum yfir pari eftir hringina tvo.
Lokahringur mótsins fer fram í dag, laugardag. Hér er hægt að sjá stöðuna.
Mótin sumarsins:
1. Heimslistamót GKG, 17. - 18. maí
2. Heimslistamót GO, 23. - 24. ágúst
3. Heimslistamót GR, 13. - 15. september