80 ára gamall kylfusveinn snýr aftur til starfa á PGA mótaröðina eftir hjartaaðgerð
Ben Kohles er ekki þekktasta nafnið á PGA mótaröðinni. Hann var einn af þeim sem unnu sér þátttökurétt í ár með góðri frammistöðu á síðasta tímabili á Korn Ferry mótaröðinni.
Hann er á meðal keppenda á Fortinet Championship mótinu í Kaliforníu sem markar upphaf nýs keppnistímabils. Fyrsta mót Kohles og kylfusveins hans J.J. á PGA mótaröðinni í langan tíma.
J.J. er áttræður og hefur nýlega jafnað sig eftir hjartaaðgerð. Hver sagði að fólk þyrfti að hætta að vinna þegar það kemst á eftirlaunaaldur?
Þeir félagar léku fyrsta hringinn á 74 höggum og þurfa að leika mjög vel í dag til að eiga möguleika á að komast áfram.
Skemmtilegt myndband af þeim hér að neðan.