Augusta National lengist fyrir Masters mótið
Fyrsta risamót ársins í karlagolfinu er Masters mótið sem fer fram á Augusta National vellinum dagana 11.-14. apríl.
Á þriðjudaginn var gefin út handbók fyrir mótið þar sem allar helstu upplýsingar tengdar því komu fram.
Meðal þess sem kom fram er að 5. holan á Augusta National mun lengjast um tæpa 40 metra en það vekur nokkra athygli enda var holan ein sú erfiðasta á vellinum fyrir breytingar.
Í fyrra var 5. holan, sem er par 4 hola, skráð 416 metra löng en í mótinu í ár verður hún 453 metrar.
5. holan er fimmta erfiðasta holan á vellinum í sögu Masters mótsins með meðalskor upp á 4,26 högg en eftir breytinguna er hún einungis um 10 metrum styttri en 13. holan sem er par 5 hola.
Masters tee at Augusta National’s par-4 fifth hole has been moved back 40 yards. Hole now listed at 495 yards. pic.twitter.com/4nlFp7cg39
— Rex Hoggard (@RexHoggardGC) January 29, 2019