Berglind og Guðrún Brá hefja leik á morgun
Þær Berglind Björnsdóttir og Guðrún Brá Björgvinsdóttir hefja á morgun leik á Viaplay Ladies Finnish Open mótinu sem er hluti af LET Access mótaröðinni.
Mótið verður leikið á Messila Golf vellinum í Finnlandi og stendur frá fimmtudegi til laugardags.
Berglind og Guðrún léku báðar á Lavaux Ladies Championship mótinu, sem er einnig hluti af LET Access mótaröðinni, í síðustu viku. Þar komst Berglind ekki í gegnum niðurskurðinn en Guðrún náði góðum árangri og endaði jöfn í 7. sæti á einu höggi undir pari.