Bjerregaard kominn upp í 10. sæti stigalistans
Daninn Lucas Bjerregaard er einn heitasti kylfingur Evrópumótaraðarinnar um þessar mundir. Eftir flott tímabil kórónaði hann flottan árangur með sigur um helgina á hinu sterka Alfred Dunhill Links meistaramóti.
Bjerregaard er farinn að narta á hæla efstu manna á stigalistanum en hann situr nú í 10. sæti með 1.927.174 evrur.
Englendingarnir Tommy Fleetwood og Tyrrell Hatton, sem enduðu báðir í 2. sæti í Skotlandi, færast sömuleiðis upp listann. Fleetwood er nú kominn upp í 2. sætið á meðan Hatton er í 7. sæti.
Francesco Molinari er sem fyrr í efsta sæti stigalistans eftir magnaða frammistöðu á tímabilinu þar sem hann sigraði meðal annars á Opna mótinu.
Stöðu efstu manna má sjá hér fyrir neðan.