Bjerregaard orðinn meðlimur PGA mótaraðarinnar
PGA mótaröðin tilkynnti í gær að Daninn Lucas Bjerregaard hefði verið veittur tímabundinn þátttökuréttur á mótaröðinni út tímabilið 2018/2019.
Lucas getur með þessum réttindum fengið boð í eins mörg mót og hann vill og með góðum árangri getur hann unnið sér inn fullan þátttökurétt fyrir tímabilið 2019/2020.
Bjerregaard sem er í 44. sæti á heimslistanum hefur tekið þátt í 10 mótum á PGA mótaröðinni og þar af hefur hann þrisvar sinnum verið á meðal 25 efstu. Hans besti árangur kom á Heimsmótinu í holukeppni í síðasta mánuði en þar endaði hann í fjórða sæti.
Aðeins einn annar kylfingur er með samskonar réttindi en það er Englendingurinn Matthew Fitzpatrick
46 af 50 efstu mönnum heimslistans, þar af allir í topp 35, eru nú meðlimir á PGA mótaröðinni.