Búinn að vera með sama pútterinn í tæp 13 ár
Brandt Snedeker, sem sigraði á móti helgarinnar á PGA mótaröðinni, Wyndham meistaramótinu, hefur verið með sama pútterinn í pokanum í tæp 13 ár.
Um er að ræða Odyssey White XG Rossie pútter en hann hefur skilað Snedeker 9 titlum á ferli hans á PGA mótaröðinni.
Fyrsti sigur Snedeker kom á Wyndham meistaramótinu árið 2007. Hann hafði svo ekki sigrað á móti á mótaröðinni frá árinu 2016 þegar kom að móti helgarinnar.
Snedeker fer líklega bjartsýnn inn í næstu vikur á mótaröðinni en framundan er lokakaflinn í FedEx bikarnum. Snedeker fagnaði einmitt sigri á lokamóti FedEx bikarsins árið 2012 og sagði í viðtali eftir mót að hann langaði til að endurtaka þann leik í ár.
Ísak Jasonarson
[email protected]
