Choi sigraði á Pebble Beach
Suður Kóreu maðurinn K.J. Choi sigraði á Pure Insurance mótinu á PGA mótaröð eldri kylfinga sem fram fór á Pebble Beach og Spyglass Hill í Kaliforníu.
Þetta var fyrsti sigur Choi síðan 2011 og fyrsti sigur kylfings frá Suður Kóreu á þessari mótaröð.
Choi lék hringina þrjá á samtals 13 höggum undir pari. Næstir komu Þjóðverjarnir Bernhard Langer og Alex Cejka á 11 höggum undir pari.