Dagbjartur meðal efstu manna í Þýskalandi
Þrír íslenskir strákar hófu í dag leik á sterku unglingamóti í Þýskalandi sem ber heitið German Boys & Girls Open. Leikið er dagana 30. maí til 1. júní á tveimur völlum hjá golfklúbbi St. Leon Rot.
Strákarnir sem um ræðir eru þeir Dagbjartur Sigurbrandsson, GR, Kristófer Karl Karlsson, GM, og Sigurður Bjarki Blumenstein, GR.
Fyrsti hringur mótsins fór fram í dag og lék Dagbjartur best af íslenska hópnum. Hann kom inn á höggi undir pari og er jafn í 8. sæti af 104 keppendum. Dagbjartur er í gríðarlega góðu formi þessa dagana en hann sigraði einmitt á Egils Gull mótinu sem fram fór um síðustu helgi á Mótaröð þeirra bestu hér heima.
Skor íslensku strákanna:
8. sæti: Dagbjartur Sigurbrandsson, -1
56. sæti: Kristófer Karl Karlsson, +3
70. sæti: Sigurður Bjarki Blumenstein, +4
Hér er hægt að sjá stöðuna í mótinu.
Kristófer Karl Karlsson.
Sigurður Bjarki Blumenstein.