Els meiddur og ekki með á Opna skoska
Fjórfaldi risameistarinn, Ernie Els, hefur dregið sig úr keppni á Opna skoska mótinu sem hófst í dag á Evrópumótaröð karla.
Ástæða þess eru meiðsli sem hann varð fyrir í baki á dögunum. Els var að vonum vonsvikinn en nú eru einungis sjö dagar í að síðasta risamót ársins, Opna mótið, hefjist og því vildi Els ekki taka óþarfa áhættu.
Samkvæmt tilkynningu á Twitter býst Els við því að vera með á Opna mótinu sem fer fram dagana 18.-21. júlí á Royal Portrush. Els hefur tvisvar fagnað sigri á því sögufræga móti, fyrst árið 2002 og síðast árið 2012.