Enn framkvæma Selfyssingar
Golfklúbbur Selfoss hefur staðið í stórræðum síðustu ár. Framkvæmdagleði þeirra hefur verið til mikillar fyrirmyndar og stuðningur bæjarfélgsins þeim til mikils sóma.
Reist hefur verið skemma fyrir inniæfingar á svæði klúbbsins auk þess sem nýr golfvöllur hefur verið lagður að hluta og viljayfirlýsing undirrituð við bæjarfélagið um stækkun vallarins í 18 holur.
Nú hefur klúbburinn ráðist í enn eina stórframkvæmdina. Hafist hefur verið handa við byggingu nýrrar æfingaaðstöðu sem sjá má á teikningunni hér að neðan. Um er að ræða æfingaskýli með kennsluaðstöðu og 14 sláttubásum. Einnig verður stór grasteigur til æfinga og frábært aðstaða til að æfa stutta spilið.
Stefnt er að því að framkvæmdum á æfingasvæðinu ljúki í maí á þessu ári.