Evrópumótaröð karla: Jafnt á toppnum í Frakklandi
Fyrsti dagur Amundi Open de France mótsins á Evrópumótaröðinni var leikinn í dag en leikið er á Le Golf National vellinum þar sem Ryder Bikarinn var haldinn síðasta haust. Tveir kylfingar kylfingar léku á 65 höggum í dag og eru jafnir í efsta sætinu.
Kylfingarnir eru þeir Ryan Fox og George Coetzee. Hringir þeirra voru keimlíkir en þeir fengu báðir fimm fugla á fyrstu níu holunum og á síðari níu holunum fengu þeir báðir tvo fugla, einn skolla og restina pör. Þeir eru því báðir á sex höggum undir pari.
Þrír kylfingar eru jafnir í þriðja sæti á fimm höggum undir pari. Það eru þeir Benjamin Hebert, Kurt Kitayama og Richie Ramsey.
Hérna má sjá stöðuna í mótinu.
Ryan Fox.