Evrópumótaröð karla: Molinari valinn kylfingur maí mánaðar
Ítalinn Francesco Molinari var í gær valinn kylfingur maí mánaðar á Evrópumótaröð karla. Molinari fékk alls 62% atkvæða en kosningin fór fram á heimasíðu mótaraðarinnar.
Molinari lék stórkostlegt golf í maí en toppurinn kom á BMW Championship mótinu þar sem hann sigraði nokkuð örugglega og hafði betur gegn Rory McIlroy á endasprettinum.
Hinn 35 ára gamli Molinari lék á 70-67-66-68 höggum í mótinu en þetta var fimmti sigurinn hans á ferlinum.
Adrian Otaegui endaði annar í valinu eftir sigur á Belgian Knockout mótinu.
