Evrópumótaröð karla: Olesen valinn kylfingur ágúst mánaðar
Daninn Thorbjörn Olesen var á mánudaginn valinn kylfingur ágúst mánaðar á Evrópumótaröð karla. Olesen hafði betur í kosningu gegn Andrea Pavan, Paul Waring og Gaganjeet Bhullar.
Hinn 28 ára gamli Olesen hlaut alls 64% atkvæða í kosningu sem stóð yfir á heimasíðu Evrópumótaraðarinnar. Pavan endaði annar í kosningunni með 22% atkvæða.
Olesen endaði í þriðja sæti á Bridgestone heimsmótinu og fjórða sæti á Nordea Masters í ágúst sem dugði til þess að tryggja sig inn í lið Evrópu sem leikur í Ryder bikarnum dagana 28.-30. september.