Evrópumótaröð karla: Pepperell með þriggja högga forystu eftir tvo hringi
Englendingurinn Eddie Pepperell er með þriggja högga forystu eftir tvo hringi á British Masters mótinu sem fer fram á Evrópumótaröðinni.
Pepperell, sem fór holu í höggi í gær, lék annan hringinn á 3 höggum undir pari og er samtals á 8 höggum undir pari í mótinu.
Þremur höggum á eftir Pepperell er samlandi hans, Matt Wallace, og Frakkinn Julien Guerrier. Guerrier var einn þeirra sem náði ekki að klára annan hringinn vegna myrkurs en hann spilaði 15 holur á degi tvö.
Gestgjafinn Justin Rose lék annan hringinn á parinu og er jafn í 43. sæti. Hann þarf á góðum hring að halda á laugardaginn til þess að eiga möguleika á einu af efstu sætunum á sunnnudaginn.
Hér er hægt að sjá stöðuna í mótinu.
The best of Pepperell's second round 69 🎥#BritishMasters 🇬🇧 pic.twitter.com/u8pnbAmdaO
— The European Tour (@EuropeanTour) October 12, 2018
