Evrópumótaröð karla: Pieters efstur
Belginn Thomas Pieters var í miklu stuði á öðrum keppnisdegi ISPS Handa World Super 6 mótsins sem fram fer á Evrópumótaröð karla um þessar mundir.
Pieters lék annan hringinn á 66 höggum eða 6 höggum undir pari og er jafn í efsta sæti á 8 höggum undir pari. Fjórir kylfingar deila efsta sætinu en auk Pieters eru þeir Ryan Fox, Matt Griffin og Panuphol Pittayarat í efsta sætinu.
Norðmaðurinn ungi, Kristoffer Reitan, lék annan hringinn á 5 höggum yfir pari og datt niður í 37. sæti eftir að hafa verið í efsta sæti að fyrsta degi loknum.
Hér er hægt að sjá stöðuna í mótinu.
A reminder of the format this week at the #WS6Perth pic.twitter.com/fIkpaX0yhN
— The European Tour (@EuropeanTour) February 14, 2019