Evrópumótaröð karla: Pieters náði í sinn fjórða sigur í Prag
D+D Real Czech Masters mótið kláraðist nú í dag en mótið var hluti af Evrópumótaröð karla. Það var Belginn Thomas Pieters sem stóð uppi sem sigurvegari eftir spennandi lokadag.
Fyrir lokadaginn var Pieters höggi á undan Spánverjanum Adri Arnaus. Eftir fyrri níu holurnar var sú forysta orðin að fjórum höggum. Á síðari níu holunum datt Arnaus í gírinn á meðan Pieters gaf aðeins eftir. Þrátt fyrir mikla baráttu undir lokin þá tókst Arnaus aðeins að minnka bilið í eitt högg en þeir léku báðir á 69 höggum í dag.
Pieters endaði mótið á samtals 19 höggum undir pari, höggi á undan Arnaus. Þetta er fjórða sigur Pieters á Evrópumótaröðinni en síðast fagnaði hann sigri fyrir um þremur árum síðan.