Evrópumótaröð kvenna: Engström í algjörum sérflokki í Kenýu
Það er sænski kylfingurinn Julia Engström sem er í forystu eftir þrjá hringi á Magical Kenya Ladies Open mótinu. Engström er búin að vera í algjörum sérflokki allt mótið og er hún með sjö högga forystu fyrir lokadaginn.
Eftir hring upp á 70 högg í dag er Engström á samtals 13 höggum undir pari en fyrstu tvo hringina lék hún á 67 og 66 höggum.
Christine Wolf, Aditi Ashok, Astrid Vayson De Pradenne og Esther Henseleit eru jafnar í öðru sæti á sex höggum undir pari.
Valdís Þóra Jónsdóttir er á meðal keppenda. Hún lék flott golf í dag og kom í hús á 69 höggum, eða þremur höggum undir pari. Eftir daginn er hún jöfn í 27. sæti en nánar má lesa um hringinn hennar hérna.
