Eyþór Hrafnar og Andrea Ýr Akureyrarmeistarar 2022
Eyþór Hrafnar Ketilsson og Andrea Ýr Ásmundsdóttir eru Akureyrarmeistarar 2022.
Eyþór Hrafnar lék hringina fjóra á 293 höggum (72-73-77-71) eða samtals á 9 höggum yfir pari Jaðarsvallar, tveimur höggum betur en Lárus Ingi Antonsson. Tumi Hrafn Kúld varð þriðji, tveimur höggum á eftir Lárusi Inga.
Andrea Ýr lék hringina fjóra á 306 höggum (73-81-77-75) eða samtals á 22 höggum yfir pari vallarins. Kara Líf Antonsdóttir hafnaði í öðru sæti og Kristín Lind Arnþórsdóttir í þriðja sæti.
Þetta er fyrsti Akureyrarmeistaratitill Eyþórs Hrafnars en Andrea Ýr varð með sigrinum Akureyrarmeistari í þriðja sinn.