Gísli um miðjan hóp í Noregi
Þrír Íslendingar á Ecco mótaröðinni
Þrír íslenskir kylfingar leika á Moss & Rygge Open á Ecco-mótaröðinni (Nordic Golf League) í vikunni en leikið er í Noregi. Gísli Sveinbergsson úr GK, lauk leik nú fyrir skömmu. Gísli kom í hús á 74 höggum eða 2 höggum yfir pari vallarins og er sem stendur í 61.-76. sæti. Enn eiga einhverjir kylfingar eftir að ljúka leik.
Gísli fékk tvo fugla og fjóra skolla á hringnum.
Ragnar Már Garðarsson úr GKG og Andri Þór Björnsson úr GR luku leik fyrr í dag. Ragnar gerði vel og kom í hús á 71 höggi eða á 1 höggi undir pari o Andri á 76 höggum eða á 4 höggum yfir pari vallarins.
Hinn danski, Magnus A. Østergaard leiðir í klúbbhúsi sem stendur á 6 höggum undir pari.
