Góður fyrsti hringur hjá Woods
Tiger Woods fór vel af stað á fyrsta degi Masters mótsins sem hófst í dag. Hann lék hringinn á 70 höggum eða tveimur höggum undir pari og er á meðal efstu manna.
Hringurinn var nokkuð stöðugur en hann fékk fjóra fugla, tvo skolla og restina pör. Fuglarnir komu á holum 2, 9, 13 og 14 en skollarnir komu á holum 5 og 17.
Þrátt fyrir að leika vel þá var Woods í töluverðum vandræðum með púttin. Hann missti ein þrjú pútt sem voru inn fyrir tvo metra. Woods virðist því í hörku formi og til alls líklegur um helgina, sérstaklega ef púttin ganga vel.
Stöðuna í mótinu má sjá hérna.
.@TigerWoods leads a group of players, including @BernhardLanger6, @TommyFleetwood1, @tonyfinaugolf, @GaryWoodland and Lucas Bjerregaard whose first round highlights have them under par for the Tournament. #themasters pic.twitter.com/pMIC4Rm5iC
— Masters Tournament (@TheMasters) April 11, 2019
