Golfklúbburinn Flúðir fagnaði sigri í 4. deild karla eftir sigur á annarri holu í bráðabana
Sveit Golfklúbbsins Flúða fagnaði sigri í 4. deild karla á Íslandsmóti golfklúbba sem fór fram á Bárarvelli í Grundarfirði um helgina.
GF hafði betur gegn heimamönnum í GVG í úrslitaleiknum sem fór alla leið á 20. holu. Tómas Sigurðsson og Sindri Snær Alfreðsson unnu fjórmenningsleikinn fyrir GF á 16. holu áður en Sigurþór Jónsson jafnaði leikinn fyrir GVG þegar hann vann sinn leik einnig á 16. holu.
Þriðji og síðasti leikurinn var hins vegar æsispennandi og réðst á annarri holu í bráðabana þar sem Bergur Dan Gunnarsson tryggði GF sigur og sæti í 3. deild að ári.
Úrslitaleikurinn.
Lokastaðan í 4. deild karla árið 2019:
1. Golfklúbburinn Flúðir
2. Golfklúbburinn Vestarr
3. Golfklúbburinn Mostri
4. Golfklúbbur Þorlákshafnar
5. Golfklúbbur Norðfjarðar
Úr úrslitaleik GF og GVG. Mynd: Twitter.