GR fór upp um eitt sæti á lokahringnum á EM
Golfklúbbur Reykjavíkur endaði í 15. sæti á EM klúbbaliða sem fór fram dagana 4.-6. október í Búlgaríu. Liðið lék samtals á 79 höggum yfir pari dagana þrjá en tvö bestu skorin töldu hverju sinni.
Ásdís Valtýsdóttir, Nína Margrét Valtýsdóttir og Lovísa Ólafsdóttir léku fyrir hönd klúbbsins.
Hamburger og Basozabal klúbbarnir enduðu jafnir á toppnum á 12 höggum undir pari.
Skor GR-inga í mótinu:
35. sæti: Ásdís Valtýsdóttir, 79, 90, 80
40. sæti: Nína Margrét Valtýsdóttir, 85, 90, 87
45. sæti: Lovísa Ólafsdóttir, 96, 90, 91
Hér er hægt að sjá stöðuna í mótinu.