GR í 14. sæti eftir fyrsta daginn á EM
Ásdís Valtýsdóttir, Nína Margrét Valtýsdóttir og Lovísa Ólafsdóttir hófu í dag leik á EM klúbbaliða fyrir hönd Golfklúbbs Reykjavíkur. Íslensku stúlkurnar eru í 14. sæti eftir einn dag en leikið er í Búlgaríu.
Tvö bestu skorin hjá hverju liði töldu og er GR á 20 höggum yfir pari. Ásdís var best af íslensku kylfingunum þegar hún lék á 79 höggum eða 7 höggum yfir pari. Hún er jöfn í 25. sæti í einstaklingskeppninni.
Nína Margrét lék fyrsta hringinn á 85 höggum eða 13 höggum yfir pari og er jöfn í 37. sæti. Skor Lovísu taldi ekki en hún lék á 96 höggum og er í 46. sæti.
Alls taka 47 kylfingar þátt frá 16 klúbbum í mótinu. Hamburger golfklúbburinn er í efsta sæti á 6 höggum undir pari.
Hér er hægt að sjá stöðuna í mótinu.