Guðmundur endaði í 43. sæti í Danmörku
Guðmundur Ágúst Kristjánsson var á meðal keppenda á Nordic Golf mótaröðinni í vikunni þegar Thisted Forskring Championship mótið fór fram í Danmörku.
Guðmundur lék hringina tvo samtals á höggi yfir pari en hann lék fyrsta hringinn á 75 höggum og þann síðari á 69 höggum.
Besti kafli Guðmundar kom á síðari níu holum seinni hringsins þegar hann fékk einn örn og tvo fugla á þriggja holu kafla.
Hér er hægt að sjá lokastöðuna í mótinu.
Næsta mót á Nordic Golf mótaröðinni fer fram 12.-14. ágúst. Guðmundur er þó ekki skráður til leiks en þar mun annar Íslendingur leika, Aron Bergsson.