Guðmundur þénaði rúmlega 650 þúsund krónur
Guðmudur Ágúst Kristjánsson náði um helgina sínum besta árangri á Áskorendamótaröðinni í golfi þegar hann endaði í 9. sæti á Irish Challenge mótinu.
Fyrir árangurinn þénaði Guðmundur 4.800 evrur eða rúmlega 650 þúsund krónur og tvöfaldaði þar með verðlaunafé sitt á mótaröðinni á þessu tímabili.
Guðmundur fékk keppnisrétt á Áskorendamótaröðinni í júlí og hefur nú þénað rúmlega 9.000 evrur í þeim sex mótum sem hann hefur tekið þátt í.
Næsta mót á Áskorendamótaröðinni er Hainan Open sem fer fram í Kína. Guðmundur hefur ekki skráð sig til leiks í það mót.
Árangur Guðmundar á Áskorendamótaröðinni:
D+D Real Slovakia Challenge, 51. sæti, 790 evrur
Euram Bank Open, 113. sæti, 0 evrur
KPMG Trophy, 53. sæti, 666 evrur
Opna Bretagne, 13. sæti, 3.000 evrur
Opna portúgalska, 137. sæti, 0 evrur
Irish Challenge, 9. sæti, 4.800 evrur