Guðrún Brá átti erfiðan fyrsta hring á ISPS Handa
Guðrún Brá Björgvinsdóttir lék á 77 höggum á fyrsta hring stórmótsins ISPS Handa World Invitational.
Guðrún lék að mestu fínt golf á hringnum en 7. og 8. brautir Calgorm Castle vallarins reyndust okkar konu erfiðar en hún lék þær á samtals 5 höggum yfir pari.
Guðrún Brá situr í 106. sæti mótsins eftir fyrsta hring. Eins og staðan er núna komast þeir kylfingar áfram sem leikið hafa á pari eða betur en það gæti þó átt eftir að breytast eftir því sem líður á daginn.
