Guðrún Brá endaði í 17. sæti eftir slæman lokahring
Atvinnukylfingurinn Guðrún Brá Björgvinsdóttir endaði í 17. sæti á lokamóti tímabilsins á LET Access mótaröðinni sem fór fram dagana 8.-10. nóvember á Spáni.
Guðrún Brá var íorystu fyrir lokahringinn en náði sér ekki á strik og kom inn á 6 höggum yfir pari. Guðrún fékk skolla á 1. og 2. holu en svo tóku við 13 pör í röð áður en hún fékk tvöfaldan skolla á 16. og 17. holu.
Samtals lék Guðrún hringina þrjá á 4 höggum yfir pari og endaði í 17. sæti sem er jafnframt hennar besti árangur á tímabilinu.
Skorkort Guðrúnar í mótinu.
Julia Engström stóð uppi sem sigurvegari í mótinu eftir glæsilegan lokahring sem hún lék á 66 höggum. Engström fór upp um 23 sæti á lokahringnum.
Framundan hjá Guðrúnu Brá er lokaúrtökumótið fyrir Evrópumótaröð kvenna sem fer fram dagana 16.-20. desember.
Hér er hægt að sjá lokastöðuna í mótinu.
