Guðrún Brá í efsta sæti á Spáni
Guðrún Brá Björgvinsdóttir, GK, er í efsta sæti á lokamóti LET Access mótaraðarinnar þegar flestir kylfingar hafa lokið leik á öðrum hring mótsins. Guðrún er samtals á 2 höggum undir pari í mótinu en leikið er í Barselóna.
Guðrún lék fyrri hringinn á tveimur höggumu undir pari og þann seinni á parinu í dag. Á hring dagsins fékk Guðrún alls fjóra fugla og fjóra skolla en skorkortið má sjá hér fyrir neðan.
Skorkort Guðrúnar.
Líkt og áður hefur komið fram er Guðrún Brá í frábærri stöðu í mótinu en hún er þessa stundina jöfn í efsta sæti af 84 keppendum. Emma Nilsson, sem er í forystu á stigalista mótaraðarinnar, og Anais Meyssonnier eru jafnar Guðrúnu í efsta sætinu.+
LET Access mótaröðin er sú næst sterkasta í Evrópu á eftir Evrópumótaröðinni en Guðrún Brá hefur leikið á þessari mótaröð í ár og er í 71. sæti á stigalistanum.
Á laugardaginn fer lokahringur mótsins fram. Hér er hægt að sjá stöðuna.