Haraldur Franklín á þriðja hring í Skotlandi
Haraldur Franklín Magnús úr GR leikur þriðja hringinn á Farmfoods Scottish Challenge í dag. Haraldur Franklín er á 1 höggi yfir pari eftir fyrstu tvo keppnisdagana. Eftir að hafa verið í toppbaráttu fyrstu 27 holurnar fataðist honum flugið á seinni níu holunum í gær og hann rétt komst í gegnum niðurskurðinn.
Hann verður ræstur út á þriðja hringinn rétt upp úr klukkan átta að morgni laugardags.
Heimamaðurinn Lee Craig læddi sér upp að hlið Englendingsins, Nathan Kimsey á öðrum hring en þeir leiða mótið á 7 höggum undir pari.
