Haraldur Franklín missti flugið á seinni níu
Kemst trúlega í gegnum niðurskurðinn - Guðmundur Ágúst úr leik
Haraldur Franklín Magnús úr GR, sem hefur verið í toppbaráttunni frá fyrsta hring Farmfoods Scottish Challenge, missti flugið á seinni níu holunum í dag.
Haraldur Franklín var á 5 höggum undir pari eftir fyrsta hringinn og samtals á 6 höggum undir pari eftir fyrri níu holurnar í dag en hann fékk þrjá tvöfalda skolla á 13.-16. holu og skolla á 18. holu. Hann lauk leik í dag á 6 höggum yfir pari og er því samtals á 1 höggi yfir pari í 57.-70. sæti. Hann er akkúrat á niðurskurðarlínunni og kemst vonandi áfram á lokahringinn.
Heimamaðurinn Lee Craig læddi sér upp að hlið Englendingsins, Nathan Kimsey í dag en þeir leiða mótið á 7 höggum undir pari.
Guðmundur Ágúst Kristjánsson úr GKG, sem lék á 1 höggi yfir pari á fyrsta hring, lék á 4 höggum yfir pari í dag og lauk leik á samtals 5 höggum yfir pari á hringjunum tveimur.
Kylfingur fylgist að sjálfsögðu áfram vel með gangi mála í Skotlandi.
