Háskólagolfið: Saga endaði í 5. sæti í Denver
Afrekskylfingurinn Saga Traustadóttir, GR, endaði í 5. sæti á Ron Moore Women's Intercollegiate sem fór fram dagana 5.-7. október í Denver í Bandaríkjunum.
Saga lék hringina þrjá í mótinu samtals á parinu og varð einungis þremur höggum á eftir liðsfélaga sínum, Ellen Secor, sem fagnaði sigri í einstaklingskeppninni.
Skóli Sögu, Colorado State, vann liðakeppnina í mótinu á 4 höggum undir pari, 11 höggum á undan næsta liði.
Hér er hægt að sjá lokastöðuna í mótinu.