Háskólagolfið: Tumi Kúld endaði í 10. sæti á The Invitational
Tumi Hrafn Kúld, GA, náði frábærum árangri um helgina á fyrsta móti tímabilsins í háskólagolfinu, The Invitational mótinu, sem fór fram á Ocean vellinum í Suður Karólínu.
Tumi endaði í 10. sæti í einstaklingskeppninni en hann lék hringina tvo samtals á 2 höggum yfir pari. Upprunalega áttu að fara fram þrír hringir í mótinu en vegna veðurs var það stytt í tvo hringi.
Lið Tuma, Western Carolina, náði sér ekki almennilega á strik og endaði í 14. sæti á 60 höggum yfir pari í heildina. Tumi var bestur í sínu liði.
Skorkort Tuma á öðrum hringnum.
Alls fékk Tumi 28 pör á hringjunum tveimur sem sýnir hve stöðugt golfið hans var í mótinu.
Hér er hægt að sjá lokastöðuna í mótinu.
