Heimslisti karla: Casey nálgast topp 10
Paul Casey fer upp um fjögur sæti milli vikna á nýjum heimslista sem var birtur í morgun. Eftir sigurinn á Valspar meistaramótinu er Casey kominn í 11. sæti listans.
Dustin Johnson er sem fyrr í efsta sætinu og hefur hann nú verið þar í fjórar vikur í röð og samtals í 85 vikur. Jon Rahm og Rickie Fowler hafa sætaskipti en Rahm er nú í áttunda sætinu á meðan Fowler situr í því 10.
Scott Hend sem fagnaði sigri á Maybank meistaramótinu sem var hluti af Evrópumótaröðinni fer upp um 119 sæti milli vikna. Fyrir helgina var hann í 253. sæti en situr nú í 134. sæti.
Listann í heild sinni má nálgast hérna.
Rúnar Arnórsson
[email protected]