Hulda Clara og Ragnhildur úr leik á Ítalíu
Hulda Clara Gestsdóttir og Ragnhildur Kristinsdóttir luku í dag keppni á Evrópumóti áhugakvenna á Ítalíu.
Hulda Clara lék þriðja hringinn á 76 höggum og Ragnhildur á 78.
Samtals var Hulda Clara á 16 höggum yfir pari og endaði í 119. sæti. Ragnhildur var samtals á 18 höggum yfir pari og endar í 126. sæti.
Niðurskurðurinn fyrir lokahringinn miðast við þá sem léku á 5 höggum yfir pari eða betur.