Hvaleyrarvöllur besti völlur landsins
Á dögunum voru World Golf Awards verðlaunin veitt við hátíðlega athöfn í Abu Dhabi. Um er að ræða verðlaun sem samtökin veita fyrir hina ýmsu þætti í golfheiminum.
Meðal þeirra sem hlutu verðlaun á hátíðinni var Colin Montgomerie en hann var nefndur Golfvallarhönnuður ársins. Þá hlaut hann einnig sérstaka viðurkenningu fyrir ævistarf sitt og framlag til golfsins.
Á athöfninni var Hvaleyrarvöllur valinn besti golfvöllur Íslands, Hótel Örk besta golfhótelið og Úrval Útsýn besta golfferðaskrifstofan. Þetta er annað skiptið í röð sem Hótel Örk hlýtur þessi verðlaun en í fyrra var Hólmsvöllur valinn besti golfvöllurinn og VITA Golf besta ferðaskrifstofan.
Eftirfarandi vellir fengu tilnefningar á World Golf Awards:
Hvaleyrarvöllur (sigurvegari)
Jaðarsvöllur
Urriðavöllur
Garðavöllur
Grafarholtsvöllur
Hólmsvöllur
Vestmannaeyjavöllur
Eftirfarandi golfhótel fengu tilnefningar á World Golf Awards:
Hótel Örk (sigurvegari)
Grand Hótel Reykjavík
Hótel Reykjavík Centrum
Radisson Blu 1919 Hotel
Eftirfarandi golfferðaskrifstofur fengu tilnefningar á World Golf Awards:
Úrval Útsýn (sigurvegari)
GB Ferðir
Golfskálinn
Iceland Pro Travel
VITA Golf