Jóhanna og Ólafur klúbbmeistarar NK 2020
Jóhanna Lea Lúðvíksdóttir og Ólafur Björn Loftsson urðu í dag klúbbmeistarar Nesklúbbsins þegar Meistaramóti klúbbsins lauk við fínar aðstæður.
Spennan var mikil í kvennaflokki og réðust úrslitin á lokaholunum. Þegar þrjár holur voru eftir voru þær Jóhanna Lea og Karlotta Einarsdóttir jafnar á 4 höggum yfir pari en tvö pör og einn fugl hjá Jóhönnu gerðu útslagið og stóð hún uppi sem sigurvegari.
Þetta er í fyrsta skiptið sem Jóhanna verður klúbbmeistari en í fyrra varð Karlotta klúbbmeistari í 16. skiptið. Helga Kristín Gunnlaugsdóttir endaði í 3. sæti á 25 höggum yfir pari.
Úrslit í meistaraflokki kvenna:
1. Jóhanna Lea Lúðvíksdóttir, 73, 71, 76, 71 = +3
2. Karlotta Einarsdóttir, 70, 75, 75, 72 = +4
3. Helga Kristín Gunnlaugsdóttir, 72, 79, 76, 86 = +25
4. Ragna Björg Ingólfsdóttir, 92, 82, 88, 93 = +67
Skorkort Jóhönnu.
Í karlaflokki var minni spenna en Ólafur Björn Loftsson lék hringina fjóra samtals á 18 höggum undir pari og varð 10 höggum á undan Nökkva Gunnarssyni sem hafði titil að verja. Ólafur lék hringina fjóra á 68, 66, 68 og 68 höggum og fékk einungis 9 skolla í mótinu.
Kjartan Óskar Karítasarson endaði í 3. sæti á flottu skori, fjórum höggum undir pari.
Úrslit í meistaraflokki karla:
1. Ólafur Björn Loftsson, 68, 66, 68, 68 = -18
2. Nökkvi Gunnarsson, 68, 72, 70, 70 = -8
3. Kjartan Óskar Karítasarson, 70, 73, 71, 70 = -4
4. Steinn Baugur Gunnarsson, 74, 73, 72, 69 = Par
Skorkort Ólafs.