Jóhannes og Björn Óskar léku vel á LC Toyota Invitational
Jóhannes Guðmundsson, GR, og Björn Óskar Guðjónsson, GM, voru á meðal keppenda á Lake Charles Toyota Invitational mótinu sem fór fram í bandaríska háskólagolfinu dagana 18.-19. mars.
Báðir léku þeir vel í mótinu en Jóhannes endaði samtals á 2 höggum undir pari eftir þrjá hringi á meðan Björn Óskar lék á parinu.
Því miður fyrir lið Jóhannesar, Stephen F. Austin skólann, taldi skor hans ekki en hann lék sem einstaklingur í mótinu. Jóhannes lék á næsta besta skorinu í sínu liði og endaði í 32. sæti í einstaklingskeppninni.
Lið Björns Óskars, Louisiana Lafayette, endaði í 10. sæti í mótinu og varð Björn Óskar í 43. sæti í einstaklingskeppninni.
Hér er hægt að sjá lokastöðuna í mótinu.
Björn Óskar Guðjónsson.
