Kjartan S. Kjartansson fór holu í höggi á 17. holu
Kjartan Sigurjón Kjartansson gerði sér lítið fyrir og fór holu í höggi á 17. holu Leirdalsvallar á fyrsta degi Íslandsmóts unglinga. Kjartan sló með 50° fleygjárni, boltinn lenti nálægt flaggi og rúllaði um 2 metra fram fyrir flaggið og spann sig svo til baka í miðja holu.
Kjartan var í fyrsta holli mótsins með Breka Gunnarssyni Arndal. Fagnaðalætin voru mikil og einlæg. Þeir félagar eiga jafnframt hrós fyrir leikhraðann en þeir spiluðu 18 holurnar á 2 tímum og 50 mínútum.
Þetta er í þriðja sinn sem hann nær að fara holu í höggi. Leikhraði félaganna vakti athygli og var til fyrirmyndar.
