Lárus Ingi í toppbaráttunni á unglingamóti í Orlando
Lárus Ingi Antonsson GA leikur í dag lokahringinn á Orlando International Amateurs for Juniors sem haldið er á Orange County National golfsvæðinu í Orlando.
Eftir tvo hringi er Lárus á 5 höggum yfir pari og jafn í 5. sæti í flokki 16-18 ára stráka. Síðasti hringur mótsins átti að fara fram á laugardaginn en var frestað vegna veðurs.
Spáin fyrir daginn í dag var töluvert betri og því ljóst að lokahringurinn geti farið fram. Hér fyrir neðan er skorkort Lárusar í mótinu til þessa.