Lokakaflinn framundan á Nordic Golf mótaröðinni
Framundan eru síðustu mót tímabilsins á Nordic Golf mótaröðinni sem er þriðja sterkasta mótaröð Evrópu karlamegin.
Fimm íslenskir kylfingar hafa leikið á mótaröðinni á þessu tímabili en enginn þó jafn vel og Guðmundur Ágúst Kristjánsson sem er í 22. sæti á stigalistanum.
Guðmundur Ágúst á raunhæfan möguleika á því að enda í einu af 5 efstu sætunum í lok tímabils sem gefur mönnum þátttökurétt á Áskorendamótaröðinni á næsta ári en til þess þarf þó mikið að ganga upp á lokasprettinum.
Á morgun, miðvikudag, byrjar fyrsta mót lokakeppninnar en alls eru 94 kylfingar skráðir til leiks. Guðmundur Ágúst fer út klukkan 8:00 að staðartíma á 1. teig.
Eftir mót vikunnar eru fjögur mót eftir af tímabilinu sem klárast 11.-13. október þegar Tourfinalen, lokamótið, fer fram.
Hér verður hægt að fylgjast með skori keppenda í beinni.