Lowry kosinn kylfingur janúarmánaðar á Evrópumótaröðinni
Evrópumótaröð karla tilkynnti í gær að það væri Írinn Shane Lowry sem hafi verið kosinn kylfingur janúarmánaðar.
Lowry átti frábæran mánuð þar sem hann meðal annars fagnaði sigri á Abu Dhabi HSBC Championship mótinu sem hans fyrsti Rolex Series titill. Þetta var einnig hans fyrsti sigur í 1259 daga. Í mánuðinum þénaði hann rúmlega 1 milljón evra.
Í ofan á lag þá er Lowry í efsta sæti Race to Dubai listans, sem er stigalisti Evrópumótaraðarinnar, með rúmlega 1230 stig, tæplega 400 stigum meira en næsti kylfingur.
Valið stóð á milli Lowry, Bryson DeChambeau, Kurt Kitayama og Louis Oosthuizen.
