LPGA: 26 kylfingar í fyrsta móti ársins
Fyrsta mót ársins á LPGA mótaröðinni hefst nú í vikunni tæpum tveimur mánuðum frá síðasta móti ársins 2018.
Mót vikunnar er nýtt á mótaröðinni og ber heitið Diamond Resorts Tournament of Champions og er svipað og Sentry Tournament of Champions sem fór fram fyrr í janúar á PGA mótaröðinni.
Einungis þeir kylfingar sem hafa staðið uppi sem sigurvegarar á LPGA mótaröðinni síðustu tvö tímabil eru með keppnisrétt í móti vikunnar. Af þeim kylfingum eru 26 keppendur skráðir til leiks og þar á meðal 5 af efstu 10 kylfingum heimslistans.
Verðlaunafé mótsins er ekki af verri endanum en alls eru 1,2 milljónir dollara í boði fyrir keppendur mótsins.
Diamond Resorts Tournament of Champions hefst á fimmtudaginn og lýkur á sunnudaginn. Hér er hægt að sjá keppendalista mótsins.
✅ 49 celebrities
— Diamond Resorts™ (@diamondresorts) January 15, 2019
✅ 26 @LPGA champions
✅ $1.7 million at stake
Check out the numbers, the names and the notoriety of #DiamondLPGA ➡️ https://t.co/90f48Qy3Wa pic.twitter.com/G341A3pF3k