LPGA: Clanton og Suwannapura með örugga forystu þegar einum hring er ólokið

Þriðji hringur Dow Great Lakes  Bay Invitational mótsins fór fram í dag og eru það þær Cydney Clanton og Jasmine Suwannapura sem eru í forystu fyrir lokahringinn. Þær eru með fimm högga forystu á næsta lið.

Mótið er ekki eins og önnur mót en í þessu móti leika tvær og tvær saman sem lið. Tvo hringi er leikinn fjórmenningur og hina tvo er leikinn betri bolti. Á þriðja hringnum var leikinn fjórmenningur og léku þær Clanton og Suwannapura best allra. Þær komu í hús á 63 höggum, eða sjö höggum undir pari. Samtals eru þær á 16 höggum undir pari.

Fjögur lið eru jöfn í öðru sæti á 11 höggum undir pari.

Stöðuna í mótinu má sjá hérna.