LPGA: Hull og Kang á 12 höggum undir pari
Charley Hull og Daniell Kang eru jafnar í forystu á LPGA Keb Hana meistaramótinu sem fer fram í Suður-Kóreu á LPGA mótaröðinni. Lokahringur mótsins fer fram í nótt.
Eftir þrjá hringi eru þær Hull og Kang báðar á 12 höggum undir pari, höggi á undan Ariya Jutanugarn sem er þriðja.
Hull og Kang eiga það sameiginlegt að hafa unnið eitt mót á LPGA mótaröðinni til þessa. Kang sigraði á PGA meistaramótinu árið 2017 og Hull á CME Tour Championship árið 2016.
Hér er hægt að sjá stöðuna í mótinu.
Ólafía Þórunn Kristinsdóttir, sem er með þátttökurétt á LPGA mótaröðinni, er ekki með í móti helgarinnar þar sem hún fékk ekki boð í það.
