LPGA: Jafnt á toppnum fyrir lokahringinn
Nasa Hataoka og Bronte Law eru jafnar í forystu á Pure Silk Championship mótinu sem er hluti af LPGA mótaröðinni í golfi. Lokahringur mótsins fer fram í dag, sunnudag.
Hataoka og Law eru báðar á 13 höggum undir pari, höggi á undan Brooke M. Henderson og Jennifer Song.
Forvitnilegt verður að fylgjast með lokahring mótsins en Hataoka er reynslumikill kylfingur sem hefur sigrað á þremur mótum á LPGA mótaröðinni á meðan Bronte Law er í leit að sínum fyrsta titli á atvinnumóti.
Ólafía Þórunn Kristinsdóttir tók þátt í mótinu en komst ekki í gegnum niðurskurðinn eftir tvo hringi.
Hér er hægt að sjá stöðuna í mótinu.