LPGA: Valdís keppti í úrtökumóti fyrir mót vikunnar
Atvinnukylfingurinn Valdís Þóra Jónsdóttir GL lék í dag í úrtökumóti fyrir ISPS Handa Women's Australian Open sem fer fram á LPGA mótaröðinni dagana 13.-16. febrúar.
Alls voru þrjú sæti í boði á mótinu fyrir efstu kylfinga úrtökumótsins en þau fóru til Esther Henseleit (-6), Jenny Haglund (-2) og Nina Pegova (-1).
Valdís lék á 76 höggum eða fjórum höggum yfir pari og verður því ekki með á móti vikunnar.
Skorkort Valdísar.
Valdís lék einnig í úrtökumóti fyrir Vic Open sem fór fram á LPGA mótaröðinni um síðustu helgi en var þá einungis tveimur höggum frá því að komast inn í mótið.
Næsta mót hjá Valdísi er Ladies Classic Bonville sem fer fram í Ástralíu dagana 20.-23. febrúar á Evrópumótaröð kvenna.