Misjafnt gengi íslensku strákanna í Þýskalandi
Heimamaðurinn Matthias Schmid er efstur eftir fyrsta hring Big Green Egg mótsins sem hófst í Þýskalandi í dag. Schmid lék á 8 höggum undir pari og hefur tveggja högga forystu á næsta mann.
Íslensku kylfingarnir áttu misjöfnu gengi að fagna.
Andri Þór Björnsson lék langbest okkar manna í dag. Guðmundur Ágúst Kristjánsson og Bjarki Pétursson áttu erfitt uppdráttar.
Andri lék hring dagsins á pari vallarins sem skilar honum í 36. sæti mótsins. Fuglar á tveimur síðustu brautum dagsins gerðu það að verkum að Andri getur gengið sáttur frá borði eftir dagsverkið.
Skorkort Andra:
Guðmundur Ágúst var langt frá sínu besta í dag og þarf á frábærum hring að halda á morgun til að eiga einhvern möguleika á að ná í gegnum niðurskurðinn.
Skorkort Guðmundar:
Bjarki Pétursson var einnig langt frá sínu besta og náði sér aldrei á strik í dag. Hann lék á 81 höggi og á varla möguleika á að komast í gegnum niðurskurðinn.
Skorkort Bjarka:
