Myndband: DeChambeau söng með áhorfendum
Lokaumferð Forsetabikarsins fer fram í nótt í Ástralíu. Spennan er mikil fyrir lokaumferðina en Alþjóðaliðið er með tveggja stiga forystu á lið Bandaríkjanna, 10-8.
Eitt af augnablikum þriðja dagsins átti sér hins vegar stað á meðal áhorfenda þar sem Bryson DeChambeau sló í gegn.
DeChambeau var í dágóða stund meðal bandarískra áhorfenda sem sungu nokkra söngva, meðal annars um DeChambeau sjálfan eins og sjá má í myndbandi sem PGA mótaröðin birti á samfélagsmiðlum sínum.
Til þessa hefur DeChambeau einungis spilað einn leik en hann tapaði í fyrstu umferð þegar hann lék með Tony Finau gegn Byeong Hun An og Adam Scott. DeChambeau mætir Adam Hadwin í lokaumferðinni.