Myndband: Hvernig endaði þessi ofan í hjá Fowler?
Bandaríkjamaðurinn Rickie Fowler átti ótrúlegt högg á öðrum keppnisdegi Rocket Mortgage Classic mótinu sem fer fram á PGA mótaröðinni.
Fowler var innan við metra frá holu og púttaði nokkuð ákveðið í holu en boltinn átti eftir að fara rúmlega einn hring á holubarminum áður en hann datt niður. Fowler var að sjálfsögðu hissa á niðurstöðunni eins og sjá má í myndbandinu hér fyrir neðan.
Eftir tvo hringi er Fowler á 6 höggum undir pari jafn í 42. sæti. Hér er hægt að sjá stöðuna í mótinu.